एजेन्सी । सेनेगलका अन्तराष्ट्रिय खेलाडी केईटा बाल्डेले राम्रो प्रस्तावमा लिभरपुल स्टार साडियो माने रियल मड्रिड आउन सक्ने बताएका छन् ।
सेनेगलबाट मानेसंग खेल्दै आएका बाल्डेले उपयुक्त प्रस्ताव राखेको खण्डमा माने लिभरपुलबाट रियल मड्रिड आउन सक्ने धारणा राखेका हुन् ।
रियलका प्रशिक्षक जिनेदिन जिदान २८ बर्षका सेनेगल फरवार्डलाई रियलमा अनुबन्ध गर्न ईच्छुक छन् ।
मानेले यस सिजन योर्गेन क्लोपको टिममा उत्कृष्ट प्रर्दशन गर्दै १४ गोल गर्नुकासाथै ७ गोलको अवसर सिर्जना गरेका थिए । सोही कारण लिभरपुलले प्रिमियर लिगमा २५ अंकको अग्रता लिदै शीर्ष स्थानमा रहेको छ ।
माने सन् २०१६ मा साउथह्याम्टनबाट एनफिल्ड क्लब आएका थिए । उनले पछिल्ला दुई बर्षमा लिभरपुललाई दुई महत्वपूर्ण उपाधि जिताउनुका साथै ३० बर्षपछि पहिलो पटक लिग उपाधि जिताउने अभियानमा रहेका छन् ।
मानेको सोही प्रर्दशनले रियल प्रशिक्षकको मन लोभिएको छ । र समर ट्रान्सफरमा रियललाई बलियो बनाउन उनले मानेलाई प्रस्ताव गर्ने तयारी गरेका छन् ।
सम्झौताको अन्तिम बर्षमा रहेका करिम बेन्जिमाको विकल्प खोज्नुपर्ने रियललाई बाध्यता छ । सोही कारण मानेलाई रियल मड्रिडको सम्भावित नयाँ खेलाडीको रुपमा हेरिएको छ ।
सेनेगलका सहकर्मी बाल्डेले क्लबले आकर्षक प्रस्ताव गरेको खण्डमा माने रियल आउन सक्ने बताएका छन् ।
‘यो धेरै कुरामा निर्भर रहन्छ । उनको निर्णय के हुन्छ भनेर तर यो परिवर्तन हुन सक्छ ।’ उनले एक अन्तरवार्तामा छन् ।
‘मलाई लाग्दैन, उनी त्यहाँ सदाबहार रहन चाहन्छन् । उनी चलाख छन् । के गर्नुपर्छ र के राम्रो हुन्छ भन्नेबारे उनी जानकार छन् । तर रियलले धेरै नाम प्रस्ताव गरिरहेको छ ।’ उनले थपे ।
‘प्रशिक्षकले उनलाई धेरै मन पराउँछन् । उनले लिभरपुललाई धेरै दिएका छन् र लिभरपुलले उनलाई धेरै दिएको छ ।’ बाल्डेले थपे, ‘कुनै समय राम्रो प्रस्तावले उनले लिभरपुल छाड्न सक्छन् । कुनै ठुलो टिमले उनको बारेमा सोच्नका लागि केही बाचा गर्न आवश्यक हुन्छ ।’
मानले मासिक डेढ लाख पाउण्डमा क्लबसंग सम्झौता गरेका थिए । उनीले १८ महिना अगाडी लिभरपुलसंग २०२३ सम्म रहने गरि नयाँ सम्झौता गरेका हुन् ।
सेनेगरका स्टार लिभरपुलमै खुसी छन् । तर रियल मड्रिड मानेलाई एनफिल्ड क्लबबाट वर्नवेउ भित्र्याउन ईच्छुक देखिएको छ ।
