इलामः जिल्ला ब्याडमिन्टन संघ, इलामद्वारा आयोजना गरिएको विद्यालय स्तरीय १ महिने ब्याडमिन्टन प्रशिक्षण कार्यक्रम सम्पन्न भएको छ । ११ विद्यालयका ८० जना सहभागी गराई मिति २०८० श्रावण १ देखि शुरूवात गरेको प्रशिक्षण कार्यक्रम आज एक कार्यक्रमका विच सम्पन्न गरिएको हो ।संघका अध्यक्ष श्री हुकुमलाल थेवेको अध्यक्षता, नगर प्रमुख श्री केदार थापाको प्रमुख आतिथ्यता सम्पन्न कार्यक्रममा इलाम नगरपालिका वडा नं.७ का वडाध्यक्ष श्री नरेश श्रेष्ठ, वडा नं.६ का वडाध्यक्ष श्री मदन श्रेष्ठ, प्यावसन जिल्ला कार्य समितिका बरिष्ठ उपाध्यक्ष श्री नुनुमा राई, प्रदेश ब्याडमिण्टन संघका सदस्य श्री इश्वर चिपालु, नगर खेलकुद प्रतिष्ठानका अध्यक्ष श्री महेश श्रेष्ठ लगायतका अतिथिहरूको उपस्थिति रहेको थियो। संघका उपाध्यक्ष श्री प्रेम सुब्बाले स्वागत मन्तव्य राख्नु भएको थियो भने प्यावसन जिल्ला कार्य समितिका बरिष्ठ उपाध्यक्ष नुनुमा राई तथा प्रमुख अतिथि नगर प्रमुख श्री केदार थापाले शुभकामना मन्तव्य राख्नु भएको थियो । समापन कार्यक्रमको अवसर पारी विद्यार्थीहरू विच प्रतियोगिता समेत गरिएको थियो । सम्पन्न खेलमा छात्र सिनियर तर्फ प्रथम ग्रिन भ्याली एकाडेमिका आदित्य थापा, द्वितीय हेरिटेज एकाडेमिका विवेक पौडेल, तृतिय रोविस ढुङ्गेल ज्योति सदन र एनिएड अघिकारी हेरिटेज एकाडेमिका भएका थिए।समूहB छात्र तर्फ प्रथम ज्योति सदनका शुसन राई,द्वितीय प्रज्ञा सदनका इक्सन राई,तृतिय एन्जल दुलाल ग्रिन भ्याली र निश्चल अधिकारी इलाइट एकाडेमिका भएका थिए । छात्रा समूह A प्रथम ज्योति सदनका रिदुम राई, द्वितिय ज्योति सदन कै कृपा राई भएका थिए भने तृतिय ग्रिन भ्यालीका कृष्टिना श्रेष्ठ र मण्टेश्वरी इलामका प्रकृति निरौला भएका थिए। छात्रा समुहB तर्फ प्रथम प्रज्ञा सदन सन्ध्या थेगिम,द्वितीय प्रज्ञा सदन कै दिक्षेन शेर्पा भएका थिए भने तृतिय हुने एरिष्मा राई मण्टेश्वरी र शारून शेर्पा इलाइट एकाडेमिका भएका थिए ।छात्र १२ बर्ष मुनि उमेर समूह तर्फ प्रथम मण्टेश्वरी इलामका सक्षम लम्साल द्वितीय आदर्श उच्च मा.वि. का एलिन राई तृतिय अमुल राई मण्टेश्वरी र रचित लामिछाने प्रज्ञा सदनका भएका थिए ।
