🔴 देउमाईका नागरिकलाई तीन अस्पतालमा उपचार छुट ‼️

इलामको देउमाई नगरपालिकाले नगरवासीलाई सहुलियतपूर्ण स्वास्थ्य सेवा उपलब्ध गराउन नोबेल मेडिकल कलेज टिचिङ हस्पिटल र काठमाडौं मेडिकल कलेजसँग सम्झौता गरेको छ ॥

सम्झौताअनुसार सरकारी स्वास्थ्य सुविधाको उपयोगपछि बाँकी उपचार खर्चमा विराटनगरस्थित नोबेल अस्पतालमा २० प्रतिशत, काठमाडौंको सिनामंगलस्थित केएमसी अस्पतालमा २५ प्रतिशत र भक्तपुरको दुवाकोटस्थित केएमसी अस्पतालमा ५० प्रतिशत छुट पाइनेछ ॥

छुट लिन नगरपालिकाको सिफारिसपत्र, परिचय खुल्ने कागजात तथा नागरिकताको प्रतिलिपि आवश्यक पर्नेछ ॥ १६ वर्षमुनिका बालबालिकाले जन्मदर्ता प्रमाणपत्र पेस गर्नुपर्ने नगरपालिकाले जनाएको छ ॥ यो सुविधा प्रत्यक्ष उपचार तथा शल्यक्रिया खर्चमा मात्र लागू हुने र औषधि, केबिन, आईभीएफ तथा कस्मेटिक उपचारमा लागू नहुने स्पष्ट पारिएको छ ॥