#पहिरोले देउमाई नगरपालिका जीतपुर नवमीको एक घरमा क्षति ‼️

इलाम, १० भदौः आज बिहान करिब १० बजेको समयमा जिल्ला इलाम देउमाई नगरपालिका ९ नवमी बजारमा पहिरो खस्ता एत घरमा क्षति भएको छ ! स्थानीय सोमबहादुर कामीले आफ्नो घर नजिकै लगाएको करिब १०फिट अग्लो र १५मिटर लम्बाई भएको बालुवा सिमेन्ट इट्टाले बनेको पर्खाल निरन्तर बर्षाको कारण भत्किदा छिमेकी प्रेमबहादुर दर्जीको इट्टा, सिमेन्टले बनेको १ तले ४ कोठे पक्की घरको १ वटा कोठा भत्किएको र कोठा भित्र रहेको काठको खाट, टि.भि., सामसोङ मोबाईल, लुगा सिलाउने मेसिन र लत्ताकपडा गरी अन्दाजी ६ लाख रुपैयाँ बराबरको क्षति भएको इलाम प्रहरी कार्यालयले जानकारी दिएको छ । सो घटनाबाट सोम बहादुर कामीको अन्दाजी १ लाख रुपैयाँ बराबरको पर्खाल भत्किएर क्षति भएको छ । उक्त पहिरोबाट मानवीय र चौपाय क्षति नभएको जानकारी प्राप्त भएको छ । हाल पहिरो हटाउने पहल भईरहेको प्रहरीबाट जानकारी आएको छ ।