८ भदौ, इलाम: १२ बर्ष अघिको नयाँबर्ष मनाउने क्रममा आफ्नै सालोको हत्या गरि भागेका रत्नबहादुर पक्राउ परेका छन् । चमैता स्थित धाराडाँडामा उनले २०६६ साल बैशाख १ गतेसालोको हत्या गरेका थिए । रत्नबहादुरलाई इलाम प्रहरीले भक्तपुरबाट पक्राउ गरेको डिएसपी गंगाबहादुर थापाले बताए ।
राईलाई मिति २०७८ भदौ ४ गते भक्तपुरबाट पक्राउ गरी आवश्यक कानुनी कार्वाहीको लागि इलाममा ल्याईएको छ । पक्राउ परेका निज रत्न बहादुर राईलाई आज मिति २०७८।०५।०७ सम्मानित इलाम जिल्ला अदालतबाट कर्तब्य ज्यान शिर्षकमा म्याद थप गरी थप अनुसन्धान भई रहेको जिल्ला प्रहरी कार्यालय इलामका प्रवक्ता प्रहरी नायव उपरीक्षक गंगा बहादुर थापाले बताए । पुरानो मुद्दाको अनुसन्धान तथा कार्वाहीमा हाल बिशेष टिमनै गठन गरेर तिव्रता दिएका जिल्ला प्रहरी कार्यालय इलामका प्रमुख प्रहरी उपरीक्षक महेन्द्र कुमार श्रेष्ठले बताए । जिल्ला प्रहरी कार्यालय इलामले बिभिन्न मितिमा बिभिन्न अपराध गरी कानुनी दायरमा नआएका फरार अभियुक्तहरुको खोजतलास अभियानलाई तिव्रता दिएको छ ।
