२३ असार, इलामः कोरोनाका कारण आफ्नो जीवन गुमाएका आदर्श बहुउद्देश्यीय सहकारी संस्था इलामका शेयर सदस्य रेशम बहादुर बराईलीको परिवारलाई सहकारीले राहत उपलब्ध गराएको छ । संस्थाका संस्थापक कृष्ण श्रेष्ठले नगद रु ५० हजार रुपैयाँ रेशमकी श्रीमति सोनाली बराईलीलाई हस्तान्तरण गर्नुभयो । हस्तान्तरण कार्याक्रममा बोल्दै संस्थाका अध्यक्ष महेश श्रेष्ठले संस्थाको नियम बमोजिम आफ्नो शेयर सदस्यको मृत्यु भए सहकारीले नगदै राहत विगतका दिनदेखि उपलब्ध गराउदै आएको बताउनुभयो ।
कार्यक्रममा रेशमका परिवार तथा संस्थाका पदाधिकारीहरुको उपस्थिति रहेको थियो । संस्थामा नियमित बचतकर्ता शेयर सदस्यले मात्र यो सुविधा लगायत उपचार खर्च, विभिन्न सामाग्री खरिदमा छुट तथा विभिन्न अस्पतालहरुमा छुट पाउने संस्थाका उपाध्यक्ष प्रविन श्रेष्ठले जानकारी दिनुभयो ।
