इलाम,११ असोजः देउमाई नगर क्षेत्रका जनताको मुख्य व्यवसाय पशुपालनबाट दूध बिक्रीवितरण गरि आय आर्जन गर्नु भए पनि गक्ष भेटेनरी पशु डाक्टर नभएका कारण धेरै पशुले अकालमा ज्यान गुमाएको पाईन्छ। चौपाया बसेपछि उठ्न नसक्ने र ज्वरो, निमोनियाका औषधी समेत अन्दाजका भरमा गरिने भएकाले पशुपालन व्यवसाय जोखिममा परेको देखिन्छ।
देउमाई ४ का वडा अध्यक्ष तथा देउमाई कार्यपालिका प्रवक्ता भिमलाल खनालसँग इलाम ग्रीनका सहकर्मी अर्जुन दृष्टिले टेलिफोन सम्पर्क गर्दा गाई, गोरु देखि खसी बाख्राको ओसारपसारमा समेत पशु डाक्टरको सिफारिस चाहिने भएकाले अस्थायी रूपमा CTEVT बाट मान्यता प्राप्त प्राविधिकबाट अहिले काम चलाईरहेको बताउनु भयो। उहाँले चाडै देउमाईमा दक्ष पशु डाक्टर ल्याउन पहल गरिने समेत बताउनु भएको छ। हाल प्रदेश सरकारको कार्यक्रम अन्तर्गत देउमाई नगरपालिकाका सबै वडाहरुमा निशुल्क रूपमा गाईमा खोप लगाउने कार्यक्रम भई रहेको पनि बताउनु भएको छ।
देउमाईबासी जनताको मुख्य आयस्रोत पशुपालन व्यवसाय नै भएकाले स्थानीय सरकार समक्ष चाडो भन्दा चाडो दक्ष पशु डाक्टर उपलब्ध गराउन समेत जोड्दार रुपमा नगरबासीले माग गरेका छन् ।
