‘एक जनाले मात्र प्रश्न खडा गर्ना साथ राज्यसंयन्त्रहरूलाई छनबिन गर्न सहयोग पुगोस् भनेर राजीनामा दिएँ,’ गोकुल बाँस्कोटाको ट्विट छ, ‘सिंहदरवार जल्नासाथ कीर्तिनिधि विष्ट र रगंशालामा दुर्घटना हुनासाथ केशरबहादुर विष्टले राजीनामा दिए बाहेक कसले मैलेजसरी राजीनामा दिएका छन् ‘अझ म अनैतिक र भ्रष्टरु बात गर्छन्’
यस्तै बाँस्कोटाले गत मंगलबार ट्विटरमा सरकारलाई सुझाव दिँदै कोरोनाको प्रकोप बढ्दै गएकाले किसानका लागि मल, बीउ औषधिको समयमै व्यवस्था गर्ने उल्लेख गरे। ‘कोरोनाको लपेटाईबीच प्रमुख अन्नबाली लगाउने समय पनि सुरु हुनै लाग्यो,’ बास्कोटाले लेखेका छन्, ‘मल, बीउँ र ओखतीको बन्दबस्ती समयमै गर्न नसोचे अर्को साल झन् कठिन हुने पो हो कि।’
बाँस्कोटाले आफ्नै पार्टीको सरकार भएकाले बचाउ गर्नु आफ्नो कर्तव्य भएका उनले बताएका छन्। ‘अहिले आफ्नै पार्टीको सरकार छ। त्यही पार्टीको केन्द्रीय सदस्य हुँ। अर्को चुनावमा यही पार्टीबाट चुनाव उठ्ने हो,’ बाँस्कोटाले थपे, ‘आफ्नै पार्टीको सरकारको विरोध गर्नेलाई सोध्नुस् किन विरोध गर्नु हुन्छ भनेर। मैले समर्थन गर्नु जायज।’
नैतिकताका आधारमा राजीनामा दिएको भन्दै आफ्नै बखान
सेक्युरिटी प्रिन्टिङ प्रेस खरिदमा ७० करोड डिल गरेको अडियो सार्वजनिक भएपछि ८ फागुनमा राजीनामा दिएका बाँस्कोटाले आफूले आरोप लाग्ने बित्तिकै नैतिकताका आधारमा राजीनामा दिएको ट्विटरमा बखान गर्दै आएका छन्। आफूले सरकारलाई छानबिन गर्न सजिलो होस् भनि नैतिकताका आधारमा राजीनामा दिएको भन्दै आएका छन्। आफूले भ्रष्टाचार नगरेको बारम्बार बताउँदै आएका बाँस्कोटाले २९ चैतमा आफ्नो राजीनामालाई तत्कालीन प्रधानमन्त्री कीर्तिनिधि विष्ट र केशबहादुर विष्टसँग तुलना गरेर ट्विटरमा लेखे।
