इलाम, २७ भदौः इलाम जिल्लाको प्रहरी प्रमुखको रुपमा एसपी वासुदेव खतिवडाले पदभार ग्रहण गर्नुभएको छ । इलाममा कार्यरत एसपी दिलिप घिमिरेको अपराध अनुसन्धान विद्यालय महाराजगञ्ज काठमाण्डौ सरुवा हुँदा काठमाण्डौ उपत्यका प्रहरी कार्यालय तालिम शाखा रानीपोनरी काठमाण्डौबाट एसपी वासुदेव खतिवडा प्रहरी प्रमुखको रुपमा इलाम आउनुभएको हो ।
प्रहरी उपरिक्षक वासुदेव खतिवडा गोरखा जिल्लाको प्रहरी प्रमुख, चितवन टाँडी प्रहरी प्रमुख, पर्सा जिल्ला प्रहरी प्रमुख भएर जिल्लाहरुमा कार्यसम्पादन गरेको कार्यअनुभव छ । अधिकांश समय भने काठमाण्डौमै रहेका प्रहरीका विभिन्न विभागहरुमा वहाँले काम गर्नुभएको छ । २०५८ सालमा इन्सपेक्टरबाट सेवा शुरु गर्नुभएका खतिवडा २०६९ फागुन १३ गते डिएसपीमा बढुवा हुनुभएको थियो । प्रतिष्पर्धामा सहभागी भएका ३४ जना डिएसपीहरुमध्ये २०७७ माघ १२ गते १६ जनाको एसपीमा बढुवा भएको थियो । सो सुचीमा यसअघि इलामका प्रहरी प्रमुखहरु महेन्द्रकुमार श्रेष्ठ, दिलिप घिमिरेसहित वासुदेव खतिवडा पनि बढुवा भएका थिए ।
लागु पदार्थ दुव्र्यसनी नियन्त्रण, रोकथाम र ब्यवस्थापनमा तपाईको इलाम बसाई अब्बल ठहरियोस्, शुभकामना ।
