इलाम, २१ मंसिरः इलाम नगरपालिका वडा नं. ७ को वडा कार्यालयले नगरभित्र रहेका कोरोना संक्रमितहरुलाई स्वास्थ्यवर्दक औषधीहरु वितरण गरेको छ । गत शुक्रबार वडा कार्यालयमा बसेको सर्वपक्षिय बैठकले निणर्य गरे बमोजिम कोरोना पोजेटिभ देखिएका व्यक्तिहरुलाई हौसला प्रदान गर्न उनीहरु बसेकै स्थानमा रोग प्रतिरोधात्मक आर्युवेदिक औषधी उपलब्ध गराउने भने अनुसार आईतबार २२ जना पोजिटिभ व्यक्तिहरुलाई आर्युवेदिक औषधी वितरण गरिएको वडाध्यक्ष नरेश श्रेष्ठले ग्रीन इलामलाई जानकारी दिएका छन् । उनका अनुसार जिल्ला समन्वय समिति इलामको नयाँ भवनमा आईसोलेशनमा बसेका १५ जना र घरमै बसेको ७ जनालाई सो सामाग्री उपलब्ध गराईएको हो । नगरको वडा नं. ७ मा मात्रै आईतबारसम्म ३५ जना कोरोना पोजिटिभ देखिएकाहरु रहेका छन् ।
त्यस्तै आईतबारै वडा नं. ८ स्तरिय कोभिड अनुगमन समिति गठन भएको छ । ८ नं. वडाका वडा अध्यक्ष होमबहादुर बस्नेतको संयोजकत्वमा गठन भएको समितिमा स्वास्थ्य शाखाका प्रतिनिधि विजय खनाल, नेपाल पत्रकार महासंघबाट राजेश पराजुली, नेपाल प्रहरी, उद्योग वाणिज्य संघ लगायत रहेका छन् । वडाध्यक्ष बस्नेतका अनुसार सोमबारबाट वडा भित्र रहेका पोजिटिभ देखिएका व्यक्तिहरुको घरमै गएर सेनिटाईजर र मास्क उपलब्ध गराउने कार्यक्रम रहेको छ ।
