इलाम, ७ जेठः कोरोना संक्रमितको संख्या बढ्दै गएपछि बितामोड नगरपालिकाले नगरक्षेत्र सिल गर्ने निणर्य गरेको छ । बुधबार सम्पन्न बिर्तामोड नगरपालिकाको बोर्ड र कोरोना रोकथाम तथा उपचार समितिको संयुक्त बैठकले बिहीवार राति १२ बजेदेखि बिर्तामोड क्षेत्र सिल गर्ने निर्णय गरेको हो ।
बिर्तामोड प्रवेश गर्ने सबै नाका बन्द गर्ने निर्णय भएको बिर्तामोड नगरका प्रेस सल्लाहकार तीर्थ सिग्देलले जानकारी दिए । उनका अनुसार औषधि र कृषिजन्य वस्तुको व्यवसाय भने खुला गर्न दिइनेछ । बाँकी सबै किसिमका व्यापार तथा व्यवसाय बन्द गर्ने निर्णय भएको छ । बिर्तामोड प्रवेश गर्ने चारैतिरका नाका चारपाने, बुट्टाबारी, महानन्द चोक र दक्षिणमा देउनिया पुल प्रवेशमा कडाई गर्ने समेत बताइएको छ ।
