इलाम, ३० भदौः इलाम देउमाई नगरपालिका जीतपुरका खेम परियारले पुर्बेली गित ‘सिमल काँडैमा’ युट्युब मार्फत बजारमा ल्याएका छन्। धेरै अगाडि बाटनै गीत सङ्गीत र कलाकारितामा रुचि भएका खेम परियार इलाम जिल्ला देउमाइ नगरपालिका वडा नं ९ नवमी निबासी कलाकार हुन्। धेरै पहिला बैदेशिक रोजगारीको अवस्थामा रहदै लेखेको गीत सिमल काँडैमा अहिले आएर रेकर्डिङ गरि दर्शक श्रोता माझ ल्याएको परियार बताउछन्। पुर्बेली भाकामा आधारित गीत मानिसको दैनिक जीवन अहिलेको परिस्थिती, रोजगारीका क्रममा टाढिदाको पीडा आदि विषयमा रहेको छ।
लय स्वर र सङ्गीत स्वयम खेम परियारको रहेको छ भने गायिका अन्जु गौतमले पनि आफ्नो स्वर दिएकी छन्। पुर्वाञ्चल रेकर्डिङ स्टुडियो इटहरीमा रेकर्ड भएको गीत सिमल काँडैमालाई युटुबमा गएर हेरिदिन परियारले अनुरोध गरेका छन्। पूरा भिडियो हेर्न युटुबको लिंक यहाँ रहेको छ।
