इलाम,१२ फागुनः इलाम बजारको आकाशमा १ घण्टासम्म निरन्तर आज उडेको प्याराग्लाइड अबैध रहेको पाईएको छ । इलाम र पाँचथरको जिल्ला सुरक्षा समितिललाई समेत औपचारिक जानकारी नभई आज इलाम पाँचथरमा २ वटा प्याराग्लाइडिङ गरिएको थियो । इलामका प्रमुख जिल्ला अधिकारी इन्द्रदेव यादवले सुरक्षा समितिलाई यो उडानको कसैलाई जानकारी नभएको बताउनुभयो । नेपाल प्रहरी, सशस्त्र प्रहरी र नेपाली सेनाका इलामका उच्च अधिकारीलाई आज यो उडानले दिनभर तनाव दिएको छ ।
२ जना रोमानियाको नागरिकहरु Tiah र Bouti ले प्याराग्लाइडिङ गरेको समाचारहरु मा उल्लेख छ । उनीहरुले हिजो कन्याम, आज इलाम, पाँचथर, तेह्रथुम हुदै काठमाण्डौं जाने अनौपचारिक खबरहरु समाचारमा आईरहेका छ । पर्यटन मन्त्रालयको अनुमति लिएको/ नलिएको स्थानीय सरकारलाई तथा स्थानीय सुरक्षा समितिलाई जानकारी छैन ।
स्थानीय सुरक्षा समितिले सूचना र जानकारी नपाएको खण्डमा प्याराग्लाइडिङ वा ड्रोन उडानलाई अन्तराष्ट्रीय सिमाना आसपास गोली हानी खसाल्ने अन्तराष्ट्रीय अभ्यास छ । इलामको सुरक्षा समितिले पनि Security Threat महसूस गरेको भए आजको इलामको प्याराग्लाइडिङ उडानलाई खसाल्न सक्थे ।
