प्रकाश परियार
इलाम, २० साउनः इलामको फाकफोकथुम गाउँपालिका ७ एकतप्पाको रुपटार निवासि टिका बुढाथोकीलाई एकतप्पा सेवा समाज, झापाले उपचारको निम्ति सहयोगको लागी ५० हजार सहयोग गरेको छ । समाजले झापामा बसोबास गर्ने एकतप्पाबासीहरुबाट रकम संकलन गरि ४० वर्षिय टिकाको उपचारको निम्ति समाजका अध्यक्ष डबल लिम्बु सहितको नेतृत्वमा अन्य पदाधिकारी एवं सदस्यको उपस्थितिमा पिडित टिकाको श्रीमान गुमानसिङ बुडाथोकीलाइ अस्पतालमा पुगेर सहयोग रकम हस्तान्तरण गरेको समितिका सचिव गंगा गोदार थापाले बताएका छ्न ।
पुर्बाञ्चल क्यान्सर अस्पताल, विर्तामोड झापामा उपचार गराइरहेको टिका बुढाथोकीको मुखमा भएको क्यान्सर थियो । बुडाथोकीको मुखको क्यान्सरको सफल अप्रेसन भैइ हाल उपचारको क्रममा रहेको छिन । विरामी वुढाथोककीको आर्थिक अवस्था ज्यादै कमजोर रहेकोले उपचारको निम्ति सहयोग गरिएको एकतप्पा सेवा समाजले बताएको छ । यो भन्दा पहिला एकतप्पाकै क्यान्सर पिडित विरबहादुर श्रेष्ठलाई समेत समाजले ५० हजार सहयोग गरेको थियो ।
यस्तै सनिअर्जुन नगरपालिका बस्दै आएको स्वं.पंच बहादुर धमलाको परिवार समेतलाई समाजले नगद तथा खाद्यान्न गरि ८ हजार सहयोग गरेको छ । धमला पाँचथरको पौसासारतापबाट एकतप्पा बसाइ सरि आएर केहि वर्ष बसि अघिल्लो वर्ष झापा झरेका थिए । धमलाको ५१ बर्षको उमेरमा श्रावण १४ गते मृत्यु भएको थियो । निजको एक श्रीमती, ४ छोरी र ३ छोरा रहेका छ्न भने आर्थिक अवस्था ज्यादै कमजोर रहेको छ । इलाम फाकफोकथुम ६ र ७ एकतप्पाबाट झापामा रहेर विभिन्न पेसा ब्यवसायमा आबद्द भएकाहरुले सामाजिक सेवा एवं गाउँको विकास र प्रबर्द्धन गर्नको लागी एकतप्पा सेवा समाज झापा गठन गरिएको थियो । हाल समाज सामाजिक काम एवं एकतप्पा घाटक रोग बिरामीलार्इ स्वास्थ्य उपचारको लागी सहयोग गर्दै आएको छ ।
