भारतीय टिभी दूरदर्शनले शुरु गर्यो द जंगल बुकको पुनः प्रसारण

इलाम, ५ वैशाखः भारतमा लकडाउन थपिएसँगै त्यहाँका सबै फिल्मको सुटिङ र शोहरु धमाधम बन्द हुन थालेपछि च्यानलहरुले आफ्ना चर्चित शोहरुलाई पुनः प्रसारण गर्न थालेका छन् । भारतको सरकारी सञ्चार माध्यम दूरदर्शनले ९० को दशकमा चर्चित भएका शोजहरुको पुनः प्रसारण गरिरहँदा रामायण, महाभारतपछि द जंगल बुकलाई पनि पुनः प्रसारण गरिरहेका छन् । उक्त शो बुधबार दिउँसोदेखि ‘अन एयर’ गरिएको छ । तर शो को टाइटल गीत र डबिङमा परिवर्तन गरेपछि यसका फ्यानहरु भने निराश भएका छन् ।
तर दूरदर्शन शो ले ट्वीटर मार्फत मोगलीको फ्यान्सहरुलाई सुखद खबर दिएका छन् । ट्विटरमा भनिएको छ, ‘डीडी नेशनल पर एन्जोइ गर्नुस् आफ्नो मन परेको शो द जंगल बुक दिउँसो १ बजेबाट ।’ उक्त ओरिजिनल सिरिजको चर्चित गीत जंगल जंगल बात चली है भने देखाइएन । उक्त शो को सुरुवात अर्को गीतबाट गरिएको छ भने अर्को तर्फ बगीरा तथा मोगलीको आवाज समेत डबिङमा परिवर्तन गरिदिएको छ । यस्तो गरेपछि फ्यानहरुले ट्विटरमा गुनासो गरेका छन् ।
एउटा फ्यानले दूरदर्शनलाई पोस्ट गरेर भनेका छन्, ‘यो नयाँ डब हो । ओरिजिनल गती जंगल जंगल बात चल्यो अनि हरायो पनि । शेर खानको आवाज नाना पाटेगर पनि । धेरै निराश छु ।’ एउटा व्यक्तिले शो हेरेपछि लेखेका छन्, ‘म यसलाई हेर्न निक्कै उत्साहित थिए । यो कार्टुनको बारेमा मात्र होइन । यो गीत, यो डबिङ जुन कलाकार थिए जसले यो शोलाई निक्कै उत्तम बनाइ दिएका थिए । यो पुरै नयाँ डब हो। म यसलाई हेर्दिन ।‘ तर यो शोको दूर दर्शनपछि साहारा वानमा पनि रिलिज गरिसकिएको छ । त्यसमा भने भने भोगली र बगीराको आवाज अलग्गै डबिङ गराइएको थियो । धेरै मानिसले साहारा वानको शोलाई हेरेर दूरदर्शन पनि आवाजमा परिवर्तन गरिदियो । एजेन्सी