इलामका ६ स्थानीय तहमा रास्वपाका ६ सांसदको मत सर्वेक्षण

सुदिप श्रेष्ठ
इलाम/फागुन १९ ‘६ पालिकामा ६ सांसद कार्यक्रम’ लिएर इलाम आएको राष्ट्रिय स्वतन्त्र पार्टीले कार्यक्रम उत्साहप्रद भएको जनाएको छ । आम मतदाताले घरदैलोमै स्वतन्त्र पार्टीलाई स्वागत गरेको सांसद सोविता गौतमले बताईन् । स्थनीय मतदातालाइृ घरगाउँमा भेटेर फर्किएपछि पुराना पार्टीबाट मतदाता अवाक् भइसकेको गौतमले आफुले बुझेको उनले बताईन् । इलामको मतदाताले चुनावलाई कसरी हेरेका छन् भनेर बुझ्न नै ६ जना सांसदहरु इलाम आएको उनले बताइन् । दलको केन्द्रबाट छानेर जिल्लामा उम्मेद्वार पठाउने परम्परागत शैलीलाई चिर्ने बताउदै उनले भनिन्, ‘मतदाताको अपेक्षाबमोजिमको उम्मेद्वार चयनको गर्न सर्बेक्षणका लागि नै हामी आएका हौं । हालसम्म उम्मेद्वारको टुंगो लागिसकेको छैन, सर्बेक्षणको निष्कर्ष बमोजिम इलामको जनताले चाहेको उम्मेद्वार नै पार्टीले पठाउने हो ।’ हालसम्म संसदमा इलामको किसानको अम्लिसो, चिया, दुधको समस्याहरु हालसम्म कसैले उठान नगरेको भन्दै रास्वपाले त्यसको संसदमा प्रतिनिधित्व गर्ने बताईन् ।
सांसद सोबिता गौतमलाई इलाम नगरपालिका, सांसद गणेश पराजुलीलाई देउमाई नगरपालिका, सांसद मनिष झालाई माई नगरपालिका, सांसद अशोक चौधरीलाई चुलाचुली गाउँपालिका, सांसद अशिम शाहलाई फाकफोकथुम गाउँपालिका र सांसद हरि ढकाललाई माङसेबुङ गाउँपालिकामा पार्टीको आफ्नो अवस्था र आम मतदाताको अपेक्षा बुझ्न पठाएको थियो । रास्वपाका सहमहामन्त्री बुर्लाकोटीलाई चुनावसम्म पूणर्कालिन जिम्मेवारी प्रदान गर्दै पार्टीले इलाम खटाएकोमा समय समयमा काठमाण्डौ आईजाई भइरहेपनि आफु चुनावसम्म इलाममै रहने उनले बताए । विगतको चुनावकाृ समानुपातिक मत न्युन रहेको प्रश्नमा बुर्लाकोटीले भने, ‘शुन्य उपस्थितिमा गत चुनावमा पाएको मत सम्मानजनक हो, अहिले त हामीले काम गरेर देखाइसकेपछिको अवस्था हो, सांसदमा जनताको बलियो आवाज प्रतिनिधित्व गराईसकेको अवस्था हो ।’ रास्वपाबाट इलाम २ का लागि रमेश प्रसाईँ र महेन्द्रकुमार थापाको नाम चर्चामा छ ।
सुवास नेम्वाङको अवसानपछि रिक्त रहेको प्रतिनिधि सभा क्षेत्र नं. २ मा निर्वाचन आयोगले उपचुनावको मिति तय गरेसँगै रास्वपाले इलाममा गतिविधि बढाएको छ ।