चालु आर्थिक वर्ष २०८२/८३ को पहिलो त्रैमासिकमा मेची भन्सार कार्यालयमार्फत अलैंची निर्यातमा उल्लेखनीय वृद्धि भएको छ । कार्यालयका अनुसार तीन महिनाको अवधिमा रु १ अर्ब ६७ करोड ९१ लाख ७५ हजार बराबरको अलैंची निर्यात भएको हो, जुन अघिल्लो वर्षको सोही अवधिको तुलनामा ३३ प्रतिशतले बढी हो । सूचना अधिकारी ईश्वरकुमार हुमागाईंका अनुसार उक्त अवधिमा १,०७२ मेट्रिक टन अलैंची विदेश पठाइएको छ । अघिल्लो आर्थिक वर्ष २०८१/८२ को पहिलो त्रैमासिकमा रु १ अर्ब ७ करोड २२ लाख बराबरको मात्र अलैंची निर्यात भएको थियो ।
