काठमाडौंस्थित इलामे राहत कोषमा एक लाख रुपैंयाँ जम्मा

इलाम, १७ वैशाखः राजधानी काठमाडौंमा रहेका इलामबासीहरुलाई सहयोग गर्न गठन गरिएको काठमाडौं उपत्यका कोरोना भाईरस (कोभिड १९) राहत तथा सहयोग समितिलाई इलामस्थित दुई संस्थाले सहयोग उपलब्ध गराएको छ । उक्त समितिको काठमाडौंस्थित राहत संकलन गर्नको लागि माछापुच्छ्र बैंकमा खोलिएको खातामा जिल्ला समन्वय समिति, इलाम र लाहुरे समाज सिंगापुरद्धारा पचास/पचास हजार गरी जम्मा एक लाख रुपैंयाँ जम्मा गरिएको हो । उक्त रकम राहत तथा सहयोग प्रयोजनको लागि खर्च गरिनेछ । काठमाडौंमा बसोबास गर्ने इलामेहरु राधेश्याम लेकाली, अर्जुन भट्टराई, तुलसी बस्नेत र ईश्वर श्रेष्ठको संयुक्त नाममा माछापुच्छ्रे बैंकमा ५१२२५२४९६४१८६०१६ नम्बरको खाता खोलिएको इलाम नगरपालिकाका प्रशासकिय अधिकृत राम शाहले जानकारी दिएका छन् ।