इलाम, ९ कार्तिकः पश्चिमी इलामको देउमाई नगरपालिकामा एक व्यक्तिले सोमबार राति आफ्नै पत्नी र छोरीको टोकेर हत्या गरेका छन्। देउमाई नगरपालिका–५ धुसेनी बारुङका ३३ वर्षे कमल भनिने पूर्णचन्द्र तामाङले पत्नी ३४ वर्षीया सीता तामाङ र छोरी १६ वर्षीया शिक्षा तामाङको हत्या गरेको प्रहरीले जनाएको छ। आफू धामी भएको भन्दै चिन्ता बस्ने क्रममा पत्नी र छोरीको टोकेर हत्या गरिएको इलाम जिल्ला प्रहरी प्रमुख एसपी महेन्द्रकुमार श्रेष्ठले जानकारी दिएका छन् । अन्धविश्वासका कारण कमलले श्रीमती र छोरीको हत्या गरेको एसमी श्रेष्ठले जनाएका छन् र यस बारे थप अनुसन्धान भइरहेको छ। घटनाबारे आज मंगलबार बिहान मात्र थाहा भएको र कमललाई प्रहरीले नियन्त्रणमा लिएको एसपी श्रेष्ठले जानकारी दिए।
