जेठ १७, इलाम: विदेशमा रहेका इलामेहरुको सहयोगमा इलामका १० वटै स्थानीय तहमा कोभिड व्यवस्थापनमा आवश्यक सामाग्री हस्तान्तरण शुरु भएको छ । ‘इलामेहरुको घाउमा मलहम पट्टी अभियान’ अन्तरगत आज इलामको माङ्सेवुङ गाउँपालिका का अध्यक्ष डिकेन्द्र इघिङ्गोलाई रु एक लाख चालिस हजार बराबरको सामाग्री हस्तान्तरण गरिएको छ ।
अभियानको संयोजन गरिरहेका युवा समाजसेवी निरोज खड्गीका अनुसार सो सामाग्री अब बाकी रहेका ३ वटा नगरपालिका र ५ वटा गाउँपालिकालाई पनि सोहि रकम बराबरको सामाग्री हस्तान्तरण गरिनेछ । यसअघि नै इलाम अस्पताललाई सुविधासम्पन्न बनाउन ६ लाख रुपैयाँ बरावरको सामाग्री हस्तान्तरण गरिएको छ । इलाम उद्योग बाणिज्य संघ इलाम, नेपाल पत्रकार महासंघ इलाम र नेपाल रेडक्रस सोसाईटी इलामको पहलमा संयुक्त पहलमा अभियान सञ्चालित छ । बैदेशिक रोजगारीको क्रममा विदेशमा रहेका युवाहरु तथा विदेशमै स्थायी रुपमा बसोबास गरिरहेका नेपालीहरुको आर्थिक सहयोगमा कोभिड नियन्त्रणका विभिन्न सामाग्री खरिद गरि स्थानीय निकायहरुलाई हस्तान्तरण शुरु गरिएको छ ।
