इलाम, ६ असोजः गोर्खाली सेनाले पुर्वी नेपालको सीमा पारी भारतीय भूभाग जितेको ठाउँ सुगौली सन्धी पछाडि उक्त भूभाग छोड्नु पर्दा सेनाले आफ्नो निशानी ध्वजा भारतको नागरीबाट इलामको करफोक, नामसालिङ हुदै इलाम बजारको माईस्थान मन्दिरमा ल्याईएको थियो । नेपाली विरताको प्रतिक यो निशान इलामको मात्रै होईन समग्र नेपालको सम्पति हो ।
यसै सन्दर्भमा उक्त निशान पदमार्ग तय गर्नको लागि इलाममा बनेको निशान पदमार्ग पहिचान कार्यदलले सो मार्गको पहिचान कार्य टुङ्ग्याएको छ । आगामी असोज २३ गतेबाट सो निशान पदमार्गको उदघाटन गर्ने मिति तय भएको छ । असोज २२ गते नेपाल भारतको सीमा अन्तु छब्बीसेबाट शुरु गरेर असोज २३ करफोक पुर्णेडाँडामा समुदघाटन तथा असोज २४ गते फूलपातीको दिन इलाम माईस्थान मन्दिरमा समापन गर्ने कार्यक्रम रहेको इलाम नगर वडा नंं ८ का वडाध्यक्ष दलमान तामाङले जानकारी दिनु भएको छ । साथै उक्त निशान पदमार्गको नामाकरण अनुमोदनका लागि आगामी असोज ९ र १० गते सम्पन्न हुन गईरहेको ८ औं इलाम जिल्ला सभामा पेश गरिनेछ ।
