इलाम, ४ जेठः नेपाल विद्यार्थी संघ इलाम र पाँचथर जिल्ला कार्यसमितिको संयुक्त आयोजनामा भारतले अतिक्रमण गरेको इलामको सन्दकपुर गाउँपालिका र पाँचथरको फालेलुङ गाउँपालिकाको सिमानाको भुमिमा विरोध प्रदर्शन कार्यक्रमको आयोजना गरेको छ । जेठ ३ गते शनिबार गरिएको प्रर्दशनमा इलामबाट नेपाल विद्यार्थी संघका उपाध्यक्ष प्रज्वल भट्टराईको नेत्तृत्वमा गएको टोलीमा इलाम तरुण दल क्षेत्र नंं ३ का सभापति मोहन गुरुङ, नेपाली कांग्रेस सन्दकपुर गाउँपालिका वडा नं. ४ का वडा सभापति दिपेश गुरुङ, नेबिसंघ इलामका नेता धुर्व राई, प्रकाश तामाङ लगायत ब्यक्तिहरुको उपस्थिति थियो ।
त्यस्तै पाँचथरबाट नेपाल विद्यार्थी संघ पाँचथरका अध्यक्ष तुलसी आचार्यको नेतृत्वमा नेबि संघ पाँचथरका उपाध्यक्ष धनकुमार लावती, नेबि संघ पाँचथरका सहसचिव मोतिहाङ केरुङ लगायत ब्यक्तिहरुको उपस्थिती थियो । अतिक्रमित नेपाल भारत सीमा सन्दकपुर नजिकै रहेको आहलटार नामक स्थानमा संघले विरोध र्याली, प्रर्दशन, भारतइ प्रधानमन्त्री नरेन्द्र मोदीको पुत्ला दहन, अतिक्रमित भुमिमा नेपालको राष्ट्रिय झण्डा गाड्ने जस्ता कार्यक्रम सम्पन्न गरिएको नेवि संघ, इलामका उपाध्यक्ष प्रज्वल भट्टराईले ग्रीन इलामलाई जानकारी दिएका छन् ।