साहारा नेपाल सहकारीले इलामका स्थानीय निकाहरुलाई राहत उपलब्ध गराएको छ । माङ्सेबुङ् गाउँपालिकालाई रु २५ हजारको चेक र ८ थान पिपिई हस्तान्तरण गरिएको छ । गाउँपालिका अध्यक्ष डिकेन्द्र इदिङोलाई संस्थाका तर्फवाट मङ्गलबारे इलाम सेवा केन्द्रका प्रमुख विकास गिरीले ति सामाग्री हस्तान्तरण गरे । 
यसैगरि फाकफोकथुम गापा इलाममा समेत गापा अध्यक्ष राम कु श्रेष्ठ, गापा उपाध्यक्ष, प्रमुख प्रशासकीय अधिकृतसहितको उपस्थितीमा रु २५ हजार र ८ थान सुरक्षासामग्री पिपिई हस्तान्तरण गरिएको छ ।
यसैगरि देउमाई नगरपालिकामा ५० हजारको चेक र थान ९ थान पिपिई उपलब्ध गराईएको मङ्गलबारे इलाम सेवा केन्द्रका प्रमुख विकास गिरीले जानकारी गराए । उनले भने, ‘हामीले आफ्ना सदस्यलाई समेत २ महिनाको लागि निब्र्याजी प्रति सदस्य ५००० रकम समेत उपलब्ध गराईरहेका छौं ।’ त्रिवेणी युवा क्लवका अध्यक्ष विक्रम श्रेष्ठ, अशेष कुमार बुढाथोकी, धर्मेन्द्र नेपालसहितको उपस्थितिमा सहयोग सामाग्री साथै चेक हस्तान्तरण गरिएको हो ।
यसै क्रममा सहारा नेपाल साकोसले सुर्योदय नगरपालिका फिक्कल इलामलाई रु ५० हजारको चेक हस्तान्तरण गरेको छ । संस्थाको तर्फबाट फिक्कल सेवाकेन्द्र प्रमुख कल्पना ढुङ्गाना, कर्मचारी सम्झना गुरुङ्ग, सुरज भट्टराई लगायतको उपस्थितीमा नगरपालिकाका प्रमुख रणवहादुर राई र उप प्रमुख दुर्गादेवी भट्टराईलाई सहयोग रकमको चेक हस्तान्तरण गरिएको सेवा केन्द्र इलामका प्रमुख केपी लुईटेलले जानकारी दिए ।
सहारा नेपालका कर्मचारीहरु सवैले एक दिन बराबरको आफ्नो पारिश्रमिक जम्मा गरेर स्थापना गरेको सहारा कर्मचारी मानवीय सहायता कोष मार्फत संस्थाले सहयोग गर्दै आएको सहारा नेपालका कार्यकारी प्रमुख महेन्द्र गिरीले बताए । “कोरोना भाइरस संक्रमणको बेला नगुमाउँ है होस, अग्रसर छौं हामी सहारा नेपाल साकोस कर्मचारी मानवीय सहायता कोष” भन्ने मूल नाराका साथ विपतको यो अवस्थामा सरकारलाई सहयोग गर्ने उद्येश्यले संस्थाका कर्मचारीहरुवाट मानवीय सहायता कोष स्थापना उनले जानकारी दिए ।
