इलाम, २६ भदौः इलाम नगरपालिका वडा नं. १०, वडा शिक्षा समितिको आयोजना तथा काठमाडौं विश्व विद्यालय ग्रिडमिल प्रोगामको सहयोगमा आज भदौ २६ गते मंगलबार गोदकमा पूर्णस्मारक मा.बि. र नन्द मा.बि.का विद्यार्थीहरुका लागि संचालित १० दिने विद्यार्थी लक्षित STEAM कार्यशालाको समापन तथा विज्ञान प्रर्दशनी कार्यक्रम सम्पन्न भएको छ ।
गत भदौ १९ गतेदेखि शुरु भएको कार्यशालामा आधुनिक डिजिटल सिकाई प्रविधि, आधारभूत ईन्जिनियरिङ कार्यशाला, STEAM प्रयोगशाला निर्माण, School website निर्माण जस्ता व्यवहारिक र सैद्धान्तिक विषयहरुमा जानकारी गराईएको थियो । कार्यशालामा दुई माध्यमिक विद्यालयका छात्रछात्राहरुको सहभागिता रहेको थियो ।
कार्यशालालार्ई काठमाडौं विश्वविद्यालयका मेकानिकल इन्जिनियरङ तर्फ असिम जोशी, राघेव शर्मा, प्रज्वल बाबु वाग्ले र अस्मिता श्रेष्ठ, इलेक्ट्रिकल इलोकट्रोनिक्स सुलभ कार्की, रोमन्च न्यौपाने र कुशल भट्ट, कम्प्युटर तर्फ आयुष पौडे्ल र आदर्श ढकाल, सिभिल तर्फ रक्षित खतिवडाद्धारा सहजीकरण गरिएको इलाम न.पा. वडा नं. १० का वडाध्यक्ष ओमनाथ प्रधानले इलाम ग्रीनलाई जानकारी दिनु भएको छ ।
तस्बीरहरु समेत:
