इलाम, ४ जेठः कोराना भाईरसको कारण इलाम लगायत देश भर लागु भएको लकडाउन पछि धेरै जना इलाम नगरपालिका नगर कार्यपालिकाको कार्यालय अर्थात गाउँठाउँको सिंहदरबार पुग्नु भएको छैन भने अब तपाईहरु त्यहाँ पुग्दा एउटा अनौठो संरचना ठडिएको देख्न पाउनु हुनेछ । इलाम नगरपालिकको विशाल भवन अगाडीको आँगनलाई दुई चिरा पार्दै एउटा विशाल पर्खाल खडा हुदैछ । जसले उक्त कार्यालयको शोभामा त धक्का लाग्ने नैं त्यो भन्दा बढी साँगुरो आँगनले सवारी साधन पार्किङ, सेवाग्राहीहरुको आवतजावतलाई प्रत्यक्ष असर पुग्नेछ ।
नगरपालिकाको कार्यालय भवन अगाडि किन यस्तो संरचना निर्माण गर्नु पर्ने भयो भन्ने सम्बन्धमा रोचक कुरा जोडिएर आउँछ । हाल इलाम नगरका प्रमुख मेयर महेश बस्नेतकै घरको साम्मुने साँध सीमानामा नगर कार्यपालिकाको कार्यालय रहेको छ । नगरपालिका कार्यालयको आँगन रहेको क्षेत्रमा मेयर बस्नेतका स्वर्गीय दाजु वरिष्ठ संगीतकार मदन दिपबिमको दुई आना दुई पैसा क्षेत्रफलको जग्गा रहेको छ । नाम उल्लेख नगर्ने शर्तमा इलाम नगरपालिकाको एक कर्मचारीले यो कुरा ग्रीन इलामसँगको कुराकानीमा बताए अनुसार नगरपालिकाले उक्त जग्गा खरिद गरेर नगरको स्वामित्वमा ल्याउन दिपबिम जिवितै भएको बेला सकारात्मक पहल भएको थियो । तर दिपबिमको निधन पछि उक्त जग्गा उनको परिवारले इलाम नगरपालिकालाई जग्गा बिक्री गर्न इच्छुक नदेखिएपछि कार्यालयले आफ्नो कम्पाउण्ड घेर्नको लागि आँगनको बिचबाट भियकाय पर्खाल लगाउन बाध्य भएको हो ।
(हेर्नुहोस ५ तस्बीरमा इलाम नगरपालिका कार्यालयको आँगन)
