इलाम, २१ वैशाखः इलाम नगरपालिकाद्धारा इलाम नगरबासीहरुले प्रयोग गर्ने खानेपानी महसुलमा २० प्रतिशत छुट दिने भएको छ । त्यस्तै नगरपालिकाको स्वामित्वमा रहेको व्यापारिक भवनहरुको सटर पसलको घरभाँडामा पनि सोही दर बराबरको छुट दिने भएको छ । नगरपालिकाद्धारा प्रेषित इमेलमा जनाए अनुसार उक्त महसुल र घरभाँडा छुट २०७६ चैत तथा २०७७ वैशाख महिनाको हुनेछ । कोरोना भाइरसको महामारी नियन्त्रण तथा रोकथामका लागि नेपाल सरकारको निर्णयानुसार लकडाउनको अवस्था लम्बिएको कारण इलाम नगरपालिकाले आगामी सातौ नगर सभाबाट अनुमोदन गराउने गरी उक्त छुट दिने निणर्य भएको इलाम नगरपालिकाका प्रशासकीय अधिकृत रामकुमार शाहले जानकारी दिएका छन् ।
