बैसाख १६, इलाम : पिपलबोटे इलामकी दिपा तिखत्रीले माई भगवती बृद्धआश्रमलाई सहयोग गरेकी छिन् । हङकङमा बस्दै आएकी दिपाले उनको भाई दिवस मार्फत माइभगवती बृद्धआश्रमलाई एक बोरा चामल, ३ केजी दाल, ३ केजी चिनी, ६ केजी नुन, १ दर्जन बिस्कुट, ८ प्याकेट तेल र १७ थान मास्क वितरण गरेकी हुन् ।
बृद्धाश्रम परिसरमै मङ्गलबार गएर ती समानहरु बृद्धआश्रमका पदाधिकारी यामबहादुर थापालाई हस्तान्रतण गरिएको थियो । कोरोनाको कारण भएको लकडाउनको परिस्थितिमा दाताहरुको अभाव भएको महसुस गरेर त्यो सहयोग आफुले गरेको दिपाले बताइन् । उनले बरबोटेमा रहेको बौद्धिक अपाङ्गता सशक्तिकरण केन्द्रलाई समेत खाद्यान्न उपलब्ध गराएकी छिन् । विद्यालय बन्द भएको कारण मङ्गलबार हस्तान्तरण गर्न नसकिएको र विद्यालय खुल्ने वित्तिकै हस्तान्तरण गरिने भाई दिवस तिखत्रीले बताए ।
