९ असार, इलाम : जिल्ला प्रहरी कार्यालय इलामका प्रहरी उपरिक्षक नविनराज राईको १ नं. प्रदेश प्रहरी कार्यालय, आर्थिक प्रशासन तथा प्रबन्ध महाशाखा सरुवा भएको छ । उनको ठाउँमा १ नं. प्रदेश प्रहरी कार्यालय, आर्थिक प्रशासन तथा प्रबन्ध महाशाखाबाट प्रहरी उपरिक्षक (एसपी)महेन्द्र कुमार श्रेष्ठ आउने भएका छन् । श्रेष्ठ यसअघि प्रहरी नायव उपरिक्षक हुदा पनि इलाम जिल्ला प्रहरी प्रमुखको रुपमा इलाममा कार्यरत थिए । उनले हप्ता दिन भित्र इलाममा आएर पदभार ग्रहण गर्ने इलामग्रीनलाई जानकारी गराए ।
जिल्ला प्रहरी कार्यालय इलामका प्रहरी नायब उपरिक्षक लाध्लध्वज सुवेदीको पनि सरुवा भएको छ । उनको जिल्ला प्रहरी कार्यालय संखुवासभा सरुवा भएको छ । उनको ठाउँमा जिल्ला प्रहरी कार्यालय लमजुङका प्रनाउ गंगाबहादुर थापा आउने भएका छन् ।
