इलाम, ७ असोजः जिल्ला प्रहरी कार्यालय इलामले हिजो असोज ६ गते शनिबार लागु औषध सहित १ जनालाई पकाउ गरेको छ । इलामको माई नगरपालिका ४ लखनचौक प्रहरी चौकी दानाबारीका प्रनानि बलदेव सुवेदीको कमाण्डमा खटिएको गस्ति टोलीले लखनचौकमा शंकास्पद रुपले हिड्दै आईरहेको माई नगरपालिका ४ बस्ने वर्ष २४ को चिरञ्जिवी बस्नेतलाई रोकी चेकजाँच गर्दा निजको साथबाट लागु औषध (खैरो हेरोईन) जस्तो देखिने पदार्थ ४.०८०मिलिग्राम फेला परेको हुँदा निजलाई नियन्त्रणमा लिई थप अनुसन्धाको लागी जिल्ला प्रहरी कार्यालय इलाम ल्याउदै गरेको जिल्ला प्रहरी कार्यालय, इलामले जानकारी दिएको छ ।
