इलाम, २ असोजः नेकपा एमाले इलामले आज दिवंगत संविधान सभा अध्यक्ष सुवास नेम्वाङको स्मृतिमा श्रद्धाञ्जली सभा आयोजना गरेको छ । इलाम सदरमुकामको चोक बजारस्थित लाँकुरी चौतारीमा आयोजित कार्यक्रममा नेकपा एमालेका उपाध्यक्ष रामबहादुर थापा बादल, पुर्व उपसभामुख शिवमाया तुम्बाहाम्फे, नेकपा एमालेका सचिव रघुविर महासेठ, जिल्ला समन्वय समिति इलामका प्रमुख जयप्रकाश राई, इलाम नगरपालिकाकी उपप्रमुख विष्णु दहाल लिम्बु, नेपाली कांग्रेस इलामका पुर्व सभापति हिमालय कर्माचार्य, नेकपा माओवादी केन्द्रका कान्छा लावती, नेकपा एकिकृत समाजवादीका इलामका अध्यक्ष भक्त केसी लगायतका वक्ताहरुले स्वर्गीय नेम्बाङको योगदान बारे चर्चा गर्नु भएको थियो । प्रदेश स्तरीय श्रद्धाञ्जली कार्यक्रममा नेकपा एमाले इलामका अध्यक्ष महेश बस्नेतले स्वागत मन्तव्य राख्नु भएको थियो भने नेम्बाङका कान्छा सुपुत्र सुहाङ नेम्बाङले सबैलाई धन्यवाद प्रदान गर्नु भएको थियो ।
तस्बीरः हिमालय कर्माचार्यको फेसबुक वालबाट
